Check男朋友手機有用嗎？
【 Bonnie Man #女人像鹽： Check男朋友手機有用嗎？】
喺check男朋友手機嘅時候，女人都一定有千千萬萬個藉口。
“ 行得正企得正，你有啲咩唔可以坦白話俾我聽呀？”
“ 我以前受過傷所以有trusting issue....我唔係有心check你電話㗎...”
歸根究底，你會發現其實最信唔過嘅並唔係你另一半，而係你自己。用監視對方一舉一動而獲得安全感嘅行為根本就係一種病態，而且Check電話呢樣野會上癮，一旦開始咗你就會跌落呢個好奇心嘅黑洞。然後你自己有時唔知頭唔知路對某啲conversation充滿質疑，然後不安情緒顯露於面脾氣大上大落，然後你忍唔住去confront佢...最後變成一個極度無魅力唔吸引嘅潑婦罵街之餘，另一半更有理據去反駁佢出軌嘅因由 ；又或者如果最後係一個美麗的誤會咁你就仲柒，而且破壞雙方信任。
要發生嘅野始終都要發生，出軌嘅根源從來都唔係喺第三者身上，因為假若你哋感情堅固，局外人根本就唔能夠乘虛而入。所以即使俾你check到佢電話有嘢都好，都只不過係證實你哋感情出現問題，比自己搵到提早離場嘅證據。
所以Check 咩呀...除非你已經預咗分手。
#將心比己 #你自己個電話都唔想俾人check #女人像鹽
Search